كتبه د/ تامر المغازى
لو مالحقتش عرض ال 25 تقدر تستفيد بخصم ال27
لأول مرة في العالم : عرض الثورة و عليها ثورة
مدة العرض 4 شهور
ليه تكتفي بثورة لما ممكن تعمل أكتر من ثورة
العرض ساري حتى .. خراب البلد أو نفاذ العملة الأجنبية
أحصل على أقوى ألعاب الموسم
الحرب الالكترونية
مزايا العرض :
- التمتع بالظهور في الفضائيات و التنقل من برنامج لآخر
- انشاء الفضائيات الجديدة المنتسبة للميدان
- القدرة على التحكم في الرأي العام الالكتروني
- الترشح للجوائز الدولية للشجاعة الالكترونية
- التمكن من التواصل عبر الانترنت حتى و هو واقع في عموم مصر
- الحصول على تدريبات متقدمة في أوروبا و الدول المتقدمة و لن تكون آجندة ساعتها … هتكون نوت بوك
- عند الشدة ستعتبر الاخوان و السلفيين و القوميين ناس لذاذ و حبوبين و كانوا معانا في الميدان
وعندما يساندهم الشعب تعتبرهم انتهازيين
و تعتبر الشعب عبيط و أهبل و مش عارف مصلحته
و ماتقلقش الشعب مش هيزعل منك
عرض لا يفوت فعلاً
القدرة على اقصاء كل مصر باعتبارها من الفلول
التلاعب بالشعب الغلبان و دغدغة مشاعره بشعار الجيش و الشعب ايد واحدة
ثم افاقته من الحلم الجميل على كابوس الشعب يريد قطع ايده و تركيب ايد كرسي المجلس الرئاسي
الطعن التام في كل افراد الشرطة و السباب الجماعي لهم وسط مجموعات الألتراس و حصانتك معاك : ثورة بيضاء بس لسانها طويل حبتين
تطبق الشروط و الأحكام
إتصل الآن يصلك العرض أينما كنت
ليست هناك تعليقات:
إرسال تعليق