كلمات متناثرة

ولما نبكي ليه بنرتاح..

وليه الألم بيفكرنا..

إن إحنا لسه بني آدمين..

وساعات نعدي كده ونفوت..

ونشوف حاجات جوانا بتموت..

ونكمل اليوم قال يعني..

أصل اتلخمنا ومش شايفين..

إلا إحنا كنا زمان أطفال..

فينا براءة وفينا حنين..

هو إحنا روحنا بجد مدارس..

وخدنا في العربي وف الدين..

وكان فيه حصة رسم كمان..

وكنا نحلم بالألوان..

وكنا نحضن بعض بجد..

أصحاب أوي وقريبين..

لو حد يعرف بس يقول..

هو إحنا صح كده علي طول..

ولا إحنا توهنا ومش عارفين..

هو الطريق ده رايح جاي..

ولا اللي راحوا..

مش راجعين॥

شعر : علي سلامة